போன உயிர் திரும்பும் வரை பொறுத்துக் கொள்

போன உயிர் திரும்பும் வரை பொறுத்துக் கொள்

தாகமென்றால் கண்ணீரைக் குடித்துக் கொள்

சிறுநீர் என்றாலும் பாதகமில்லை

இல்லாத பர்க்கரையும் பீட்சாவையும்

இறக்குமதிச் செய்யலாம்

இருக்கின்ற தண்ணீரை

வெளிநாட்டுக்கு ஏற்றுமதிச் செய்யலாம்

உள்நாட்டுக்கு என்றால்

வழக்குகள் பண்ணலாம்

இல்லம் ஒன்று இங்கிருக்க

ஆயி அப்பன் முதியோர் இல்லத்தில் இருக்க

தவிப்பவர்கள் இங்கிருக்க

அணைகள் ஆயிரம் அங்கங்கு இருக்க

சோகத்தின் களைப்பு தெரியாது இருக்க

புரட்சி கீதம் பாடாதே

பசித் தீயின் சூடு அறியாது இருக்க

அலறித் தொலைக்காதே

கண்ணீர் வற்றிப் போனால்

கண்களை குறை சொல்

சிறுநீர் வராது போனால்

சிறுநீரகங்களைக் குறை சொல்

வாரியங்கள் அமைக்கும் வரை பொறுத்துக் கொள்

*****