கருப்பு இருந்தால் தாருங்கள்

கருப்பு இருந்தால் தாருங்கள்

நடுநிசி நேரத்தல் கருப்பைத் தேடி அலையும்

ராப்பிச்சைக்காரனாகி விட்ட எனக்கு

உங்களிடம் கருப்பு கொஞ்சம் இருந்தால்

யாசகம் இடுங்கள்

இரவைக் கிழித்தெறிந்து சில்லரைகளாக

வீசி எறிந்தாலும் தெண்டனிடுகிறேன்

உங்கள் முன்னால்

வாகன வெளிச்சத்தை வீசி

உங்கள் காம்பெளண்ட் சுவர்களைக் கூட

அண்ட விடாமல் வெளிச்ச நாய்களை விட்டு

என்னைத் துரத்தாதீர்கள்

கோப அக்கினி கூர்க்காக்களை அனுப்பி

வெளிச்சக் கம்புகளால் வெளுக்காதீர்கள்

உங்கள் கேளிக்கை விருந்துகளின்

பல வண்ண விளக்குகளை அணைத்து

கருப்பு இருந்தால் தாருங்கள்

வெளிச்ச வெள்ளையின் ரூபமான

தூக்க மாத்திரையை நீங்களே வைத்துக் கொண்டு

கொஞ்சமேனும் கருப்பு இருந்தால் தாருங்கள்

உறங்க உறக்கம் வேண்டும் எனக்கு

*****