அரசியல் அரிச்சுவடி கவிதைகள்

அகராதியில் ஒரு புதியச் சொல்

இருப்பதைச் சமமாகப்

பங்கிட்டுக் கொள்ளத் தெரியாத

சமூகம் அடித்துக் கொள்ளும்

சமாதானமாக சாதியை உருவாக்கிக் கொள்ளும்

எதிரியைச் சமாளிக்க மதத்தை

கையில் ஆயுதமாக ஏந்திக் கொள்ளும்

உள்நாட்டுக் கலவரமென்றால்

தேசப்பற்றை எடுத்து பற்று போடும்

மண்டையில் அடித்த பின்னும்

குருதி நிற்கவில்லை என்றால்

தேசத் துரோகி எனத்  தூக்கில் போடும்

இப்போது நிலைமை மாறி விட்டது

சாதி, மதம், தேசம் என பல சொற்களைப்

பயன்படுத்தி அலுத்துப் போய்

அரசியல் என்ற ஒற்றைச் சொல்

புழக்கத்துக்கு வந்து விட்டது

அடித்துக் கொல்வார்கள் தொண்டர்கள்

அடித்துக் கொல்ல வைப்பார்கள் தலைவர்கள்

*****