மூடப்பட்ட தொழிற்சாலை

மூடப்பட்ட தொழிற்சாலை

தூக்க மாத்திரைகளின் விலை உயர்த்தப்பட்ட நள்ளிரவில்

இக்கசப்பு மருந்தை ஏற்றுக் கொள்வீர் என

அறிக்கை விட்டார் சம்பந்தப்பட்ட அமைச்சர்

தூங்க முடியாத விரக்தியில் இருந்தவர்களுக்கு

அறிக்கையைப் படிக்கப் படிக்க

மண்டிக் கொண்டு  வந்தது தூக்கம்

தூக்கத்தில் ஆழ்ந்து போன மக்களால்

விற்காமல் போன தூக்க மாத்திரைகளுக்காக

தூக்கம் தொலைத்து அறிக்கை மேல் அறிக்கை எழுதி

உசுப்பிப் பார்த்து முடியாமல் போன நள்ளிரவில்

தன் தூக்க மாத்திரை தொழிற்சாலையை

மூடுவதென முடிவெடுத்தார்

உறங்கியபடியே விழித்துக் கொண்ட மக்களை

உறக்கத்திலும் கனவு காணாத அமைச்சர் பெருமானார்

*****