நட்சத்திரக் கவிதை

விசால மனசுக்காரர்கள்

நிறைய விண்மீன்கள் இருப்பதைச் சுட்டி

வேண்டியதை எடுத்துக் கொள்ளக் கூறினாய்

வானம் எங்கே இருக்கிறது

நான் எங்கே இருக்கிறேன்

ஒற்றை நிலவை வைத்து

கரைத்தும் நிறைத்தும் காட்டும்

மாயக்காரர் நீ என்பது எனக்குத் தெரியும்

உம் பூந்தோட்டத்தின் ஒற்றைப் பூவைப் பறிக்க

அனுமதிக்காத நீயா

நட்சத்திரங்கள் கொள்ள அனுமதிப்பாய்

மனசு விசாலப்பட்டு என்ன

கைகள் குறுகியிருக்கிறது

பேச்சு பேச்சாகவே இருக்கிறது

அந்தக் கோட்டைத் தாண்டி

நீயும் வர மாட்டாய்

நானும் வர அனுமதிக்க மாட்டாய்

*****