ஞாபகம் வற்றிப் போய் நாளாகி விட்டது
மூன்று சக்கர வண்டியில் பயணிக்கும்
ஒருவனை
முந்திக் கொண்டு பயணிக்கிறது
பாதை
பாதையின் வேகத்துக்கு
பத்தடி இருபதடி எண்பதடி நூறடி
இருவழி நான்குவழி போதாது
எட்டு வழிச் சாலை வரினும்
வேகமெடுக்கும்
அதே இடத்தில் இருந்து கொண்டு
ஓடிக் கொண்டிருக்கும் பாதைகளைப்
பார்க்க
அயர்ச்சியாகத்தான் இருக்கின்றது
சக்கரங்களைத் தேய்த்து விட்ட
மமதையில் இருக்கும் பாதைகளிடம்
தலை வணங்கி கியர் மாற்ற
அனுமதிக் கேட்கும் கணத்துக்குள்
முந்திக் கொண்டுப் பயணிக்கிறது
பாதைகளைத் தேர்ந்து கொண்டவர்கள்
என்ற
ஞாபகம் வற்றி நாளாகி விட்டது
*****
No comments:
Post a Comment