ஆதி காலத்து மிருகம் ஒன்று

நீர்த் துளிகள் போல் ஒட்டிக் கொள்ளும்

சாத்தியம் கூடாத பொழுதுகளில்

பிரிவின் மீளாத் துயரில்

கொதிப்பில் தெறித்து விழுந்து

தற்கொலை புரிந்து கொள்ளும்

எண்ணெய் துளிகளென ஆகிறேன்

உடைந்த கண்ணாடித் துண்டுகளில் தெரியும்

அத்தனை பிம்பங்களையும் ஒருங்கிணைக்கும்

அதிசயம் கூடாத என் கையாலாகத்தனத்துக்காக

அன்பைப் பராமரிக்கத் தெரியாதவன் என்று

என்னை கை காட்டாதீர்கள்

விட்டுக் கொடுத்தலின் பேரன்பில்

தனிமையைத் தின்று வாழும்

அழிக்கப்பட்ட ஆதி காலத்து மிருகம் நான்

*****