உபதேச எண் - 1331

உபதேச எண் - 1331

திருமணம் செய்யாதவர்கள் பாக்கியவான்கள்

திருமணம் செய்தவர்கள் பாக்கியவான்கள்

அபாக்கியவான்கள் யாருமில்லை

வாய்க்கு ருசியாகச் சாப்பிடுபவர்கள் அதிர்ஷ்டசாலிகள்

ருசியாகச் சாப்பிட வாய்க்காதவர்கள் அதிர்ஷ்டசாலிகள்

துரதிர்ஷ்டசாலிகள் யாருமில்லை

மாமியார் மருமகள் சண்டைகளைப்

பெரிதாகக் கருதுவதற்கில்லை

போஷாக்காக இருப்பதை வைத்து

சண்டைகள் நிகழ்த்தப்படுகையில்

ருசியாக சாப்பிட வாய்க்காத

வத்தல்கள் செய்த அதிர்ஷ்டத்தை

வார்த்தைகளால் சொல்ல முடியாது என்றால்

உமது வார்த்தைகளைக் கொண்டே

உமது மனஇறுக்கங்கள் இறுகக் கட்டப்படுகிறது

உமது பேச்சைப் பயன்படுத்தியே

நீ பயமுறுத்தப்படுகிறாய்

உமது பேச்சை ஆயுதமாக்கியே

நீ மோசமாகத் தாக்கப்படுகிறாய்

மெளனம் போன்ற அருமையான மொழியுண்டா

பசி போன்ற ஆசான் யாருமுண்டா

கொஞ்சம் காத்திரு

ஏதேனும் மாறக் கூடும்

சில நேரங்களில் சூழ்நிலையே மாறி விடக் கூடும்

*****