பின்வாங்குதலின் சரித்திரம்

எங்களுக்கும் போராட ஆசைதான்

எங்கள் உணவைப் பறிப்பார்கள்

என்பதற்காகப் பின்வாங்கவில்லை

எங்கள் நீரை பிடுங்கிக் கொள்வார்கள்

என்பதற்காகப் பின்வாங்கவில்லை

எங்கள் இருப்பிடங்களை இழுத்து மூடுவார்கள்

என்பதற்காகப் பின்வாங்கவில்லை

எங்கள் மூச்சை அபகரித்துக் கொள்வார்கள்

என்பதற்காகப் பின்வாங்கவில்லை

எங்கள் கழிவறைகளை இழுத்து மூடுவார்கள்

என்பதற்காகப் பின்வாங்குகிறோம்

எங்கள் சிறுநீரையும், மலத்தையும்

யார் முகத்திலும் பீய்ச்சியடிக்க

எங்களுக்கு விருப்பமில்லை

*****