யாருமற்ற உலகின் தர்மம்

யாருமற்ற உலகின் தர்மம்

நீங்கள் பசி பொறுக்க மாட்டீர்கள்

தசையைத்  தின்னுங்கள்

குருதியைக் குடியுங்கள்

விருந்து மேசையில் பரிமாறப்பட்டுள்ள

அனைத்துத் தட்டுகளிலும்

ஏழை எளியவர்களின் ஈரல் இருக்கின்றது

வாழ முடியாதவர்களினுடைய

தின்ன ருசியான இதயம்

தொட்டுக் கொள்ள தயாராக இருக்கின்றது

நீங்கள் தின்று முடித்தப் பிறகு

மிச்சம் இருப்பவர்களுக்காக மீண்டும் தொடருங்கள்

உங்கள் அதிகாரங்களை

சட்டப் பூர்வ நெருக்கடிகளை

யாருமற்ற உலகில் நிலைபெறப் போகும்

உங்கள் தர்மத்தைக் காண

வரலாறு ஆர்வமாய் இருக்கிறது

*****