புதிய கன்னிமார்கள்

புதிய கன்னிமார்கள்

காலந்தோறும் கன்னி கிழியாதவர்கள்

திரையில் ஆடிக் கொண்டு இருக்கிறார்கள்

திரைக்கு முன்னே சுயமைதுனம் செய்து கொள்பவர்கள்

ஆடிக் கொண்டு இருக்கிறார்கள்

மாநிலம் மாநிலமாக அலைந்து திரிந்து

பிடித்துக் கொண்டு வருவதாகப்

பேசிக் கொள்கிறார்கள் கலைச் சேவை புரிபவர்கள்

சொற்களில் போதையேற்ற

கவர்ச்சி கன்னி என்று பெயர் சூட்டிக் மகிழ்கிறார்கள்

கண்கள் இறுகக் கட்டப்பட்டு விட்டதால்

நீதி தேவதைக்குத் தெரியாத

அவிழ்ந்து விழும் ஆட்டங்களில்

திரையின் பின் இருக்கும் மன்மதக் கண்ணன்கள்

பிம்பத்தைப் புணர்பவர்கள்

பெருமகிழ்வு எய்துகிறார்கள்

புணர்ந்த பிம்பத்துக்கே

கோயில் கட்டுகிறார்கள்

ஏழு கன்னிமார்களும் எழுந்து போகிறார்கள்

*****