அடித்து விளையாடும் வாழ்க்கை

அடித்து விளையாடும் வாழ்க்கை

குறும்புத்தனத்துக்காக வீட்டில் அடிப்பர்

துடுக்குத்தனத்துக்காக பள்ளியில் அடிப்பர்

எதிர்த்து நின்றால் ரெளடிகள் அடிப்பர்

எதிர்கேள்விகள் வைத்தால்

அரசியலில் இருப்போர் அடிப்பர்

பிடித்தவரை மணம் செய்தால்

சாதி வெறியர்கள் அடிப்பர்

போராடினால் போலீசார் அடிப்பர்

பொறுமையாக இருந்தால் வயிற்றில் அடிப்பர்

ஒதுங்கிப் போனால்

தெரு நாயைக் கல்லெடுத்து அடிப்பது போல

சொல்லெடுத்து அடிப்பர்

அவனவனும் அடிச்சு விளையாடத்தான்

வாழ்க்கை

அடி வாங்கிச் செத்தவர் அதிர்ஷ்டக்காரர்

தினம் தினம் ஏதோ ஓர் அடிக்கு தயார் செய்து கொள்ளும்

அடி வாங்கிச் சாகாதவர் துருதிர்ஷ்டக்காரர்

*****