கொலை போதை ஏற்றிக் கொள்ளும் டாஸ்மாக்

கொலை போதை ஏற்றிக் கொள்ளும் டாஸ்மாக்

ஏதோ ஓர் ஊரில் அரிதாக

சில பல ஆண்டுகளுக்கு

எப்போதோ ஒரு முறை நடக்கும் கொலைகள்

அடிக்கடி நடக்கின்றன

எவர் வீட்டிலும் எப்போது வேண்டுமானாலும்

விழலாம் இழவு

தாயை வெட்டுகிறார் மகன்

மகனை வெட்டுகிறார் தந்தை

சித்தப்பா பெரியப்பா இருவரில் ஒருவர்

மாமன் மச்சான் இருவரில் ஒருவர்

வெட்டிக் கொண்டு சாய்கின்றார்

மனைவியை வெட்டுகிறார் கணவர்

அண்ணன் தம்பிகள் கத்தியால் குத்திக் கொள்வர்

துப்பாக்கியால் சுட்டுக் கொள்ளவில்லை என

நாம் பெருமைப்படலாம்

இதையும் பேசிக் கொண்டு

இன்னும் கொலைகளுக்காக

கொலைவெறியோடு போதையேற்றிக் கொள்கிறது

ஊருக்கு ஊர் ஏதேனும் ஒரு டாஸ்மாக்

*****