படுகொலை

படுகொலை

சனநாயகப் படுகொலை என்பார்களே

என்ன செய்வது

மறுதேர்தலில் மறுபடியும் குதிக்கும்

அவர்களை நம்பித்தான்

மறுபடியும் வாக்களிக்க வேண்டியிருக்கும்

தற்கொலைப் பாறையை

வேடிக்கைப் பார்க்க வருபவர்கள்

தள்ளி விடப் படும் மோசமான தேசமடா இது

*****

களங்கம்

அவனவனும் சடார் சடாரென்று

காலில் விழுந்து விடுவதால்

சுத்தமாக இருக்கின்றன கால்கள்

கைகள் இரண்டும்தான்

களங்கப்பட்டு கிடக்கின்றன

வாங்கி வாங்கி

அதனாலென்ன

சுத்தமான கால்களுக்கு நமஸ்காரம்

அசுத்தமான கைகளுக்கு தங்கக்காப்பு

*****