நப்பாசை பிடித்துத் தேடாதே!

நப்பாசை பிடித்துத் தேடாதே!

உங்களிடம் சொல்லும் விடயங்களைக்

கைவிட்டு விட்டேன்

நீங்கள் அதைப் பரிசீலித்து இருக்கலாம்

உங்களுக்குக் கிடைத்திருக்க வேண்டிய

பாராட்டுகள் அதிகமாயிருக்கும்

உங்களை அடைய வேண்டிய புகழ் கூடியிருக்கும்

அல்பத் தனமான காசுக் கணக்கில்

அதை வீணடித்து விட்டீர்கள்

திறனும் உற்சாகமும் பெற்றிருந்தால்

உங்கள் செல்வம் கூடியிருக்கும்

உங்களின் சிந்தையோ

நீங்கள் வாங்கும் மனநல மருத்துகளுக்கான

பட்ஜெட் சிக்கலில் திணறி நூலறுந்து விட்டது

இப்போதிருக்கும் நிலையே

உங்களுக்குப் பிடித்தமானது

நீங்கள் அதை மாற்ற விரும்பவில்லை

நன்றி நான் செல்கிறேன்

நாளை பணத்தாசையாலோ

பைத்தியமாகும் முன் தடுத்தாண்டு கொண்டு விடலாம்

என்ற நப்பாசையாலோ

என்னைத் தேடிக் கொண்டு இருக்காதீர்கள்

*****