அடிப்படைத் தேவை

அடிப்படைத் தேவை

பசித்தால் சாப்பாடு

உடுத்திக் கொள்ள ஒட்டுத் துணி

உறக்கம் வந்தால் சுருண்டு கொள்ள ஓர் இடம்

துரத்த முடியாத தேவைகளைச் சுமந்து திரிகிறேன்

கொஞ்சம் பணம் இருந்தால் தேவலாம்

பணமே அடிப்படைத் தேவை

கிரடிட் கார்டு சில இடங்களில் செல்லாது

முதுகால் தலையைச் சுமக்க முடியாத கிழவி

கல்தோசை சுட்டுக் கொண்டிருக்கிறாள்

மிகு ருசியாக இருக்கும்

பசியென்றால் காசின்றியும் தருவாள்

அப்படிச் சாப்பிடத் தோணாது

பணமே அடிப்படைத் தேவை என்றால்

த்தூ எனக் காறித் துப்பி விடுவாள்

அன்பே அடிப்படைத் தேவை என்பாள் அக்கிழவி

*****