ஆத்தங்கரை மேல் தண்ணீர் பந்தல்

இன்னும், இன்னும், இன்னும்,... என்று காற்புள்ளி வைக்க மனிதருக்குத் தெரியும். போதும் என்று முற்றுப்புள்ளி வைக்க மரணத்துக்குத் தெரியும்.

*****

எளிமையான வாழ்க்கை புரிய எல்லாம் மறக்க வேண்டும். எல்லாம் மறப்பது அவ்வளவு எளிதில்லை. அவ்வளவு ஞாபகம் மனிதருக்கு.

*****

ஊற்று தோண்டிக் குடித்த ஆத்தங்கரை மேல் தண்ணீர் பந்தல்.

*****

இப்போதெல்லாம் டூ வீலரை யார் சார் திருடுறாங்க?

நாடு அவ்வளவா திருந்திடுச்சு!

பெட்ரோலை ஆட்டையப் போட்டுறாங்கன்னு சொல்ல வந்தேன் சார்!

*****

நல்ல பிள்ளைன்னு பேர் வாங்க நாளாகும்

அதைத்தானே நானும் சொல்றேன்

நீங்கதான் அவசரப்படுகிறீர்கள்.

*****