மாற்றிக் கொள்ளும் அறை

மாற்றிக் கொள்ளும் அறை

இருவர் பகிர்ந்து கொள்ளும் அறை

சரிபாதி தனிமையால் நிரம்பிக் கிடக்கிறது

மறுபாதி அரட்டையால் அமைதியிழந்து கிடக்கிறது

காரும் சிகரெட் நெடியில்

அறையின் தனிமை இன்னும் ஆழமாகிறது

ஏதேதோ எண்ணிப் பார்த்து

மின்விசிறியில் முட்டைப் போல் தொங்கும்

கயிற்றையும் கற்பனையில் பார்க்கிறது

பின்னொரு கட்டத்தில் தானாக வெளியேறும் தனிமை

அதற்குப் பின் அறைக்குள் திரும்பாமலிருக்க வேண்டும்

என்று நினைப்பதற்குள்

வாடகைக்காரர்களை மாற்றிக் கொள்கிறது அறை.

*****