வேட்டை நாய்க்கு ஒரு வேண்டுதல்

வேட்டை நாய்க்கு ஒரு வேண்டுதல்

வேட்டை நாய்க்குப் பெட்டை நாய் உண்டு

வேட்டையில் கடித்துக் குதறும் அது

பெட்டை நாயோடு குலாவிக் கூடியது

எப்போதும் ஓடிய மான்கள்

எப்போதும் கொஞ்சிக் குலவியது

எப்போதும் ஓடிய வேட்டை நாய்கள்

எப்போதாவது கொஞ்சிக் குலாவியது

எச்சில் கக்கி மிச்சம் பொறுக்கி

வேட்டை முடித்த வேட்டை நாய்

வேண்டிக் கொண்டது

மறுபிறவியில் மானாக வேண்டும்

*****