நாய்க்கும் நமக்கும் சகஜம்

நாய்க்கும் நமக்கும் சகஜம்

உடைந்த கண்ணாடியிலிருந்து

சிதறும் பிம்பங்கள்

தெறித்து விழுகிறது

பொறுக்க ஆளில்லாமல்

கூட்டிப் பெருக்கிக் குப்பைத் தொட்டியில்

வீசலாகிறது

காயங்களைப் பொறுக்க முடியாமல்

சுமந்து செல்கிறான் அவன்

சிதறிய ரத்தத் துளிகளைக்

கழுவி விடும் மழை

இனிமேல் பெய்யக் கூடும்

வேடிக்கைப் பார்ப்பவர்கள்

அவரவர்க்கு விருப்பமானதை மனதுக்குள்

பொறுக்கிச் செல்லுங்கள்

நடுத்தெருவில் அடிபடுவது

நாய்க்கும் நம்மில் யாரோ ஒருவர்க்கும் சகஜம்

*****