புயல் காற்றில் கிடைக்கும் புதிய தீவு

புயல் காற்றில் கிடைக்கும் புதிய தீவு

சன்னல் உடைக்கும் காற்றுக்கு

கதவைத் திறவாதே

உடைத்து அதுவே உள் வரட்டும்

உன் அறையின் அழுத்தப் புழுதி பறக்கட்டும்

தனிமை ஒட்டடைகள் சிறகு கொள்ளட்டும்

ரகசிய நாற்றமுடை காற்று சுகந்தமாகட்டும்

அறைகள் எல்லாம் இப்படி இருந்தனவே

மண்ணாகிப் போயிருக்கின்றன

காற்றுக்கு இப்படி வசப்பட்டு

மறுபிறப்பு கொள்வது அபூர்வம்

உனக்கு வாய்த்தது உன் அதிர்ஷ்டம்

ஊடுருவிப் போகட்டும் காற்று

புயல் காற்றில் பறந்து போய் புதிய தீவில் விழு

கண்ணியன் ஆனாய் நீ

*****