குளிர்பானத்தைச் சூடான தேநீராய்க் குடியுங்கள்

குளிர்பானத்தைச் சூடான தேநீராய்க் குடியுங்கள்

வெப்பம் பிடிக்கும்

குளிர் பிடிக்கும் என்றால்

நீங்கள் என் பயணத்தின் காதலர்

வீடு நமக்கு எதிரி

கிளப்புவோம் நம் பயணத்தை

வெப்பத்தில் குளிரட்டும் குருதி

குளிரில் கொதிக்கட்டும் மனம்

வெடித்துக் கக்கும் எரிமலையின் முடிவில்

பனிக்கட்டி வந்து விழலாம்

ஏறும் பனியுச்சி இமயமலையின் முடிவில்

எரிமலை வெடிக்கலாம்

இரண்டும் நன்மைக்கே

நமக்கு வெப்பமும் பிடிக்கும்

குளிரும் பிடிக்கும்

இரண்டும் பிடிப்பதன் நன்மையிது

நண்பரே இந்தக் குளிர்பானத்தை

சூடான தேநீராய்க் கருதி அருந்துங்கள்

*****