பின் பக்க ஓட்டையின் பிரதானச் சிரிப்பு

பின் பக்க ஓட்டையின் பிரதானச் சிரிப்பு

ஆட்சியாளர்கள் சொன்னால்

திருக்குறளைக் கம்பர் இயற்றுவார்

கம்பராமாயணத்தைச் சம்பந்தர் பாடுவார்

காலம் கெட்டுக் கிடக்கிறது

கழுத்தைத் திருகிக் கண்ணகி வீசப்படலாம்

விழுந்தது கோவலன் தலையோடு இருக்கட்டும்

அரசியல் பிழைத்தோர்க்கு ஏரியின் மேலே

அங்கங்கே ஆறு அபார்ட்மென்ட்கள் இருக்கும்

ஊழ்வினை உருத்து வந்து அப்பாவிகளை

ஓகிப் புயலாய் அடிக்கும்

உரைசால் பத்தினி மேல் பிராத்தல் கேஸ் இருக்கும்

அறம் பாடுவேன் எனாதே

குமுட்டியில் குத்துவார்கள்

ஓட்டுக்கு ஆறாயிரம் வாங்கும் எட்டப்பன்கள்

ஊருக்குள் ஆயிரம்

ரெய்டில் சிக்கும்

கண்டெய்னரில் போகும்

உல்லாச விடுதியில் ஓய்வெடுக்கும்

புற்றீசல் போல புறப்பட்டு வருவது எது எனச் சொல்

*****