மதிப்பிற்குரியவர்களின் செயல்கள்

மதிப்பிற்குரியவர்களின் செயல்கள்

நீர்த்துறைகள் ஏதுமில்லை

தாவணி போட்ட பாவையர் பாவாடை ஒதுக்கி

காலால் எத்தச் சிரிக்கும் நீரைப் பார்த்து நாளாயிற்று

அதனாலென்ன

நீருற்றுகளும் நீச்சல் குளங்களும்

நிறையவே இருக்கின்ற நாட்டில்

லாரியில் போகும் தண்ணீருக்கு மவுசு

ஆற்றில் போகும் தண்ணீர்தான் பாவம்

எத்தனை முறைதான் சொல்வது

பாக்கெட்டில் அடைத்த நீரை

பவ்வியமாய் வாங்கிப் பருகுவார்

ஆற்று நீரில் சாக்கடையைக் கலந்து விடுவார்

படுபாவிகள்

காசு கொடுத்து வாங்கும் தண்ணீர்க்கு

மதிப்பு இருக்கிறதென்பார்

இயற்கை தரும் நீருக்கு என்ன மதிப்பு என்று கேள்

*****