நூறு வயசுக்காரன்

இரு செய்திகள்

இரு நாட்டு அதிபர்கள் விடுத்த

ஏவுகணை எச்சரிக்கை

தலைப்புச் செய்தியான பிறகு

கர்த்தரும் நபியும் சந்தித்துக் கொண்டது

பெட்டிச் செய்தியாகிறது

*****

நூறு வயசுக்காரன்

நினைத்த உடன்

வந்து விடுவான் பேராண்டி

நூறு வயசு என்பாள்

பொக்கை வாய் புன்னகை மலர அப்பத்தா.

அல்பாயுசில் போய்ச் சேர்ந்தவன்

பகடி செய்துவது போல

பார்த்துச் சிரித்துக் கொண்டிருக்கிறான்

புகைப்படத்திலிருந்து

எங்கிருந்து பார்த்தாலும்

எந்நேரமும் அப்பத்தாவைப் பார்த்தபடி.

*****