விதியுடைத்து வெட்ட வரும் கவிதைகள்

விதியுடைத்து வெட்ட வரும் கவிதைகள்

எந்த வரியைக் எந்த வரியோடு கோர்த்து

எப்படிக் கொண்டாலும்

பொருள் வரும்

பத்தாவது வரியை முதல் வரியோடு

கோர்த்தாலும் அப்படியே

தானாக எழுதிக் கொண்ட கவிதைகள்

பொருள் வெளியில்

சாதிப் பார்க்காது புணரும்

புதுசுப் புதுசாய்ப் பெற்றுத் தள்ளும்

சோடைகள் இருக்காது

சாதிக் கட்டுமானம் கவிதைகளுக்கில்லை

கெளரவக் கொலை செய்ய புறப்படாது இருமின்

பழி வாங்கிக் கொல்லப் புறப்படும் கவிதைகள்

*****