கொலைப் பொருளாதாரம்

கொலைப் பொருளாதாரம்

கொலையை மலினமாக்கியவர்கள் சொல்கிறார்கள்

காசிருந்தால் கொல்லலாம்

கொல்வதற்கான தில் இருந்தால் கொல்லலாம்

வக்கிரம் இருந்தாலும் கொல்லலாம்

தீவிரவாதியாகிக் கொல்வதோ

தேறாத அரசியல்வாதியாகிக் கொல்வதோ

கூலிப்படைக் கும்பலாகிக் கொல்வதோ

தொழில் முறை சார்ந்தது

நெரிசலில் சாவதும்

வெள்ளத்தில் சாவதும்

விபத்தில் சாவதும்

மேற்கூரை இடிந்து விழுந்து சாவதும்

நிகழ்ந்தால்

கொலைக்கானச் செலவு மிச்சம் என

குதூகலிக்கக் கூடாது

நிவாரணச் செலவில் கணக்கு எழுதப்படும்

கூட்டிக் கழித்துப் பார்த்தாலும் அல்லது

பெருக்கி வகுத்துப் பார்த்தாலும் அல்லது

வர்க்கமூலம் கனமூலம் கண்டுபிடித்துப் பார்த்தாலும்

கொலை செலவுக்கு ஆனது

கொலைப் பொருளாதாரம்

கோடிகளில் புரள்கிறது என்பதைக்

கற்பனை செய்தாவது நம்பப் பழகுங்கள்!

*****