கடைசிப் புத்தகங்கள்

கடைசிப் புத்தகங்கள்

படித்தவர்கள் கடைசியாக வாங்கிய

புத்தகங்கள்

கடைசியாக அவர்கள் வாங்கிய

பாடநூல்கள்

*****

ஒளித்தல்

உனக்கானப் பணத்தை

உன் பையில்

ஒளித்து வைத்திருப்பதை

நீ அறிய மாட்டாய்!

*****

கடன்

கடனை வாங்குவதற்கு முன்

உன் மரணம் நிகழ்ந்து விட்டது

மரணத்திற்கு முன்

அதைக் கேட்டு வாங்கும் அளவுக்கு

நம் நட்பு கேவலமானதல்ல

கடனைக் கொடுக்காமலே போகிறோம் என்ற

உறுத்தலின்றி நீ இறந்திருந்தால் போதும் நண்பனே

நான் கண்ணியமன் ஆவேன்!

*****