காலியாய் இருக்கிறது குப்பைத் தொட்டி

காலியாய் இருக்கிறது குப்பைத் தொட்டி

ரகசியங்களின் விளைநிலம் மனம்

மனத்தின் வன்மத்தை

அவ்வளவு லேசாகக் கருதிக்

கடந்து போய் விடுவாயா நீ?

அதுவாக முளைத்தால் வெளியே தெரியும்

புதையுண்டால் அவ்வளவுதான்

புதையுண்டதெல்லாம் முளைக்காது என்று

வியாக்யானம் பேசாதே

சிலதுக்கு விதை உறங்கும் காலம் அதிகம்

என்ற கணக்கெடுத்துப் பார்

போடா போ

குப்பைத் தொட்டிக் காலியாய் இருக்கிறது

கொட்டி விட்டு வா மனத்தை!

*****