காலம் காலமாக அப்படித்தான்...

காலம் காலமாக அப்படித்தான்...

வன்மம் என்றால்

ஒன்றுக்கு இரண்டாகச் செய்வார்கள்

நல்லது என்றால்

பாதி தேறுவது கடினம்

மாட்டி விடுவது என்றால்

ஒன்றுக்குப் பத்தாக நிகழ்த்திக் காட்டுவார்கள்

சகாயம் என்றால்

சட்டென இடத்தைக் காலி செய்து கம்பி நீட்டுவார்கள்

குறை சொல்வது என்றால்

கும்மியடிப்பார்கள்

ஒரு சொல் நற்சொல் என்றால்

கஞ்சத்தனம் படுவார்கள்

ஏன் இப்படியென்று யோசித்து குமையாதீர்கள்

மனிதர்கள் அப்படித்தான்

மிகு ஒழுக்கமாகப் பேசுபவனின்

கைபேசியில்

ஓர் ஆபாசப் படம் இல்லாமல் இருந்தால் நல்லது!

*****