காவல் பூட்டு

காவல் பூட்டு

சேமித்துக் கொள்ள

காங்கிரீட் தளத்தில் பதித்த

தடங்களில் என்ன இருக்கிறது

பூட்ஸுக்குள் கால்கள் முடங்கும் வாழ்வு

தனிமை நிரம்பிய அறைகளில்

பழுதாகித் தொங்கும் விளக்குகள்

மீன் குழம்பின் வாசனையற்றுப் போன

சமையலறைக்கு அதன் பின் வராது போன பூனையால்

அடுப்பில் பூனை படுத்திருக்கும் என்று

சொல்ல முடியாத வேதனை

செத்தால் நாற்றம் வெளிப் போகும் வரை

உறங்கிக் கிடக்கலாம் உள்ளுக்குள்

பூட்டுகள் காவலுக்குத் தொங்கிக் கொண்டிருக்கும்

*****

நன்றி - ஆனந்த விகடன் - இதழ் 12.09.2018 - பக்கம் 36