நாளை இந்நேரம் எல்லார்க்கும் சுனாமி

நாளை இந்நேரம் எல்லார்க்கும் சுனாமி

மாபெரும் பாதிப்பு

பணிவுடையனாக மாற்றுகிறது

என்ன செய்வது

காலத்தை ஓட்ட வேண்டியதாக இருக்கிறதே

பெற்றோர்களே

பிள்ளைகளின் காதல் மணத்தைச் செய்து வைத்தால்

நன்றாக இருக்கும் என்பதால்

கட்டாயம் செய்ய மாட்டார்கள்

குற்றச்சாட்டு என்பது

காசு பறிப்பதற்கே என்பது புரியாமல்

யோக்கியாம்சத்தை நிலைநிறுத்தப் பாடுபடுவார்கள்

ஏதோ ஒரு பயம்

நல்ல திசை நோக்கி திருப்பிக் கொண்டிருக்கிறது

பயத்துக்கு அவ்வபோது கும்பிடு போட வேண்டும்

அவர்கள் பழமையைக் காக்கப் போரிடும் போது

பழமையை அழித்து விட்டு

புதிதாய் எகத்தாளமாய்ச் சிரிக்க வேண்டும்

செத்தால் செத்துட்டானே என்பார்கள்

சாவாது இருந்தால்

இன்னும் சாவு வந்து தொலையவில்லையே என்பார்கள்

கூடுதலாக இப்பப் போய் செத்துத் தொலைத்தானே

வேலை நிறைய கிடக்கே என்பார்கள்

எல்லாம் வெவ்வேறு காட்சிகள் என்று புலம்பாதீர்கள்

கிளைமாக்ஸ் ஒன்றுதான்

நாளை இந்நேரம் எல்லார்க்கும் சுனாமி.

*****