வானக் கடன்

வானக் கடன்

கடன் கேட்க வந்தவனை

என்ன செய்வதென்று தெரியாமல்

சாடை பேசும் புகைபோக்கியின் வழி

உற்றுப் பார்த்தேன்

புகை போல வெளியேறி விட்டான்

வானத்தில் உலவும்

புகை மண்டலம் ஒவ்வொன்றும்

கடன் கேட்டு அலையும்

மனிதர்களின் எண்ணிக்கை

புகையை எண்ணிச் சொல்பவர்களுக்கு

கடன் தருவதென உறுதியளிக்கிறேன்

வானத்து மேகத்திடம் அளந்தால்

ச்சீ என காறித் துப்பும் என்பதால்

சம்பந்தப்பட்டவர்கள் அதனிடம் மட்டும்

சொல்லாதிருக்க வேண்டுகிறேன்.

*****