உமக்கு எம் வாய்ப்புகள்

உமக்கு எம் வாய்ப்புகள்

மூக்குக் கண்ணாடியை உடைப்பதாக

உறுதி கொடுத்தால்

கண்களை நோக்கி எறிந்த கல்லை

நடுவானில் நிறுத்தத் தயார்

காதுகளை மழித்துக் கொள்ள வேண்டும்

மூக்கைப் பிடரியில் பொருத்த வேண்டும்

கண்களில் ஒன்றை உச்சந்தலையில் வைத்து

இதயத்தைப் பிடுங்கி

புட்டத்தில் செருகிக் கொண்டால்

தப்பித்துச் செல்ல அனுமதிக்க

சித்தமாய் இருக்கிறோம்

நீ மறுப்பாயானால்

நீயே உன்னைக் கொன்று கொள்

நாங்கள் உன்னைக் கொன்றதாய்

எதிர்காலத்தைப் பழி தூற்ற வைத்து விடாதே!

*****