ஒரு வீட்டில் இரு எதிரிகள் வளர்கிறார்கள்!

ஒரு வீட்டில் இரு எதிரிகள் வளர்கிறார்கள்!

அம்மாவுக்குப் பூனையைப் பிடிக்கும்

அப்பாவுக்குப் பிடிக்காது

அப்பாவுக்கு நாயைப் பிடிக்கும்

அம்மாவுக்குப் பிடிக்காது

ஓரு வீட்டில் இரண்டு திக்கில்

இரண்டு எதிரிகளாக

வளர்ந்து கொண்டிருக்கின்றன

நாயும் பூனையும்

*****

வானில் எரியும் நட்சத்திரம்

பேசிப் பழகி நெகிழ்ந்து

உருகி மருகி

உயிரோடு நடமாடி

இறந்து போய்

சுடுகாட்டில் எரியும்

அன்பின் உயிரைப் பார்த்து விட்டு

அண்ணாந்து நிற்கிறேன்

வானில் எரிகிறது

ஒரு நட்சத்திரம்.

*****