ஜியோ சிம்

ஒரு படத்துக்கு திரைக்கதை, வசனம் எழுதணுமாம். ஏன் பாஸ் இப்படி? படிக்கிற காலத்துல ஹோம்ஒர்க்கே எழுதுனது இல்ல. பெஞ்ச் மேல ஏறி நின்னிருக்கேன்.

*****

நீங்கல்லாம் நல்லா வருவீங்கடா! மனசுப் புகைஞ்சா வார்த்தைகள் இப்படித்தான் வரும்.

*****

மாமியார் மருமகள் சண்டைக்கு இடையில் நான்கு எருதுகளும் ஒரு சிங்கமும் கதை சொல்கிற திரில்லே தனி.

*****

கவிஞர்கள் வெவ்வேறு. கவிதை ஒன்றுதான்.

*****

எட்டு வழிச் சாலை. கிராமங்களுக்கு ஒரு வழிச் சாலையாவது போடுங்கள்.

*****

ஜியோ சிம்மை உடைத்துப் போட்டவன் புரட்சியாளனாக இருக்கக் கூடும்.

*****

ஜிம்முக்குப் போனா உடல் ஸ்லிம் ஆயிடும் என்று நம்பினேன். டிரெய்னர் என்று தொப்பையும் கொப்பையுமாக குண்டாக ஒருவரைக் காட்டுகிறார்கள்.

*****

ஒரு குவார்ட்டரை உள்ள இறக்குனா கவலை போயிடுங்றார்கள். அதுக்கு காசில்லாமத்தான்டா கவலையே.

*****

சாமி கும்பிடுவேன் பாஸ்! மூட நம்பிக்கையெல்லாம் வச்சிக்க மாட்டேன்.

*****

காதல் கவிதைகள் எழுதலாம் என்று இருக்கிறேன். அனுமதி கோரி விண்ணப்பத்திருக்கிறேன். அனுமதி கிடைத்ததும் ஆரம்பித்து விடலாம்.

*****