ஹைக்கூக்கள் எழுத...

இப்போதும் என்னைக் காதலிக்கிறாயா

ம்ஹூம் மாட்டேன்

இப்போது நீ கொஞ்சம் குண்டு

*****

தொப்பையைக் குறைத்தால்

ரெண்டாம் காதல் வரலாம்

ஆகவே மாட்டேன் போ

*****

நல்ல கவிதை எங்கே வருகிறது

அன்று அந்த டிஷ்யூ பேப்பரில் எழுதியது

நல்ல காதல் கவிதை

நீதான் மூஞ்சைத் துடைத்துக்

கசக்கி எறிந்து விட்டாயே

*****

அன்பே வா முன்பே வா

மேக்கப்போடு வா

*****

அதே கடல்

அதே அலை

அதைத்தான் பார்க்க வேண்டும்

மறுபடியும் மறுபடியும்

பீச்சுக்குப் போய்

என்று அடம் பிடிக்கிறாள் குழந்தே

குழந்தேயோடு மனைவியும்

*****

ஹைக்கூக்கள் எழுதத் தயார். அது ஜப்பானிய வடிவம் என்கிறார்கள். ஜப்பானிய அரசாங்கம் அனுமதித்தால் செய்து பார்த்து விடுவேன். எப்படி அனுமதி வாங்க வேண்டும் என்று தெரிந்தவர்கள் தெரிவியுங்கள்.

*****