குறை மனிதனின் அடையாளங்கள்

குறை மனிதனின் அடையாளங்கள்

நீங்கள் என்ன சொன்னாலும்

அவைகள் என்னுடைய கோபங்கள்

அவைகள் என்னுடைய கவலைகள்

அவைகள் என்னுடைய பலஹீனங்கள்

நீங்கள் சொல்கிறீர் என்று

நானும் தூக்கி எறிந்தால்

அவைகள் எங்கே போகும்?

அவைகளுக்கு நானே துணை

எனக்கு அவைகளே துணை

நீங்கள் முழு மனிதனாக்க வேண்டாம்

குறை மனிதனாகவே இருந்து விட்டுப் போகிறேன்

என்னுடைய கோபங்கள்

என்னுடைய கவலைகள்

என்னுடைய பலஹீனங்கள்

எனக்கான அடையாளங்கள்

அப்படியே இருந்து விட்டுப் போகிறேன்.

*****