கொஞ்சம் மன்னிப்பு இருந்தால் தாருங்கள்

கொஞ்சம் மன்னிப்பு இருந்தால் தாருங்கள்

எல்லாரிடமும் மன்றாடிப் பார்த்தேன்

ஒவ்வொரு இடமாய்த் தேடிப் பார்த்தேன்

கொஞ்சம் மன்னிப்பு இருந்தால் தாருங்கள் என்று

கால் பிடித்து இறைஞ்சினேன்

யாராலும் வழங்க முடியாத அளவுக்கு

மன்னிப்பு மிக உயர்ந்த இடத்தில் இருந்தது

அதன் பிறகான நாட்களில்

என்னை நானே தண்டிப்பதை

நிறுத்திக் கொண்டேன்

என்னை நானே மன்னித்துக் கொண்டேன்

மன்னிப்பு எனக்குத் தேவையில்லாமல் போனது

*****