வன தேவதை

வன தேவதை

கானகமெங்கும் தேடிப் பார்த்த

கன்னிப் புரிந்து கொள்கிறாள்

காதலன் சுடப்பட்டு இருப்பதை

செம்மரங்களைத் தடவிப் பார்க்கிறாள்

இம்மரங்கள் இங்கு வந்து

ஏன் முளை கொண்டன என்று

ஆத்திரம் கொள்கிறாள்

ஆத்திரம் கொள்வதில் பயனேது?

நான்கு செம்மரங்களை வெட்டி விற்றால்

ஒரு துப்பாக்கி வாங்க முடியுமா என்று யோசிக்கிறாள்

காட்டிற்கான வன தேவதை

உருவாகி விட்டாள் என

இலைகள் தட்டி ஆர்ப்பரிக்கின்றன மரங்கள்

*****