யானையை யானையாகப் பார்ப்பதின் பிரச்சனைகள்

யானையை யானையாகப் பார்ப்பதின் பிரச்சனைகள்

நான்கு குருடர்கள் பார்த்த பிறகு

தன் உருவப் பிரக்ஞையின்றி

புறப்பட்டது யானை

கதை கேட்ட குழந்தை

முறம் என்றால்

குதிர் என்றால்

தூண் என்றால்

உலக்கை என்றால்

என்னவென்று புரியாமல்

கேட்டுக் கொண்டிருந்தது

யானையை யானையாகவே

பார்த்திருக்கலாம் அவர்கள் என்று

முறுவலித்துக் கொண்டது

*****