நல்ல தண்ணி

நல்ல தண்ணி

வட்டமாய்ச் சாப்பிட்ட தோசை

செவ்வகமாய்ச் சாப்பிட்ட ரொட்டி

முக்கோணமாய்ச் சாப்பிட்ட சமோசா

சாய்சதுரமாய்ச் சாப்பிட்ட கேக்

வடிவமற்ற பசி

வடிவங்களால் நிறைந்து விட்டது

பாத்திரத்தின் வடிவில் நிறையும்

நீராகாரம்

வடிவமற்ற பசியின் வடிவத்திற்கு

ஏற்றதாக இருக்கிறது

ஏதோ ஒரு வடிவில்

எங்கும் எப்போதும் கிடைத்து விடுவதாக இருக்கும்

நீராகாரத்திற்கான நல்ல தண்ணீருக்கு மட்டும்

உறுதி கொடுங்கள்

எம் அதிகார மீட்பர்களே!

*****