வாழ்வுக்குத் தயாரிப்பவர்கள்

வாழ்வுக்குத் தயாரிப்பவர்கள்

உடைந்த நம்பிக்கைக்குள்

புழுதியை வாரிப் பூசுகிறார்கள்

கிடைப்பதை ஏற்றுக் கொண்டு

வாழா விட்டால் கொன்று விடுவதாக மிரட்டுகிறார்கள்

தானாக சாவது நல்லதில்லை என்று எச்சரிக்கிறார்கள்

இப்படித்தான் வாழ்வு என தெரிந்து

அதிலிருந்து மீள்வதற்கு வழியில்லை என அறிந்து

ஒரு புழுவைப் போல்

கடிப்பதையும் கொட்டுவதையும் மறந்து

சுருட்டிக் கிடப்பதைப் பார்த்து

ஜோராகக் கை தட்டுகிறார்கள்

நாம் வாழ்க்கைக்குத் தயாராகி விட்டதாக.

*****