உன் எண்ணை நீயே பெற்றுக் கொள்

உன் எண்ணை நீயே பெற்றுக் கொள்

உன் அலைபேசி எண்களால்

உன்னை அழைத்துப் பார்க்கிறேன்

நீ சமிக்ஞை இல்லாத இடத்தில்

இருப்பதாகச் சொல்கிறது

சிறிது நேரம் கழித்து

தொடர்பு கொள்ளுமாறு கெஞ்சுகிறது

இடையில் சமிக்ஞை கிடைக்கும் பொழுதுகளில்

நீ யாருடனோ பேசிக் கொண்டு இருப்பதாக

சுரத்தையில்லாமல் சொல்கிறது

காத்திருந்து மீண்டும் முயற்சிக்கையில்

நீ ஸ்விட்சுடு ஆப்பில் இருக்கிறாய் என்கிறது

ஓர் அதிர்ஷ்டங் கெட்ட எண்ணோடு வாழ்வது

கடினமாக இருக்கிறது

உன் எண்ணை நீயே பெற்றுக் கொள்

உன்னைத் தொடர்பு கொள்ளாமல் இருப்பதில்

கொஞ்சம் சூடு குறையட்டும்

என் அலைபேசிக் கருவி.

*****