போஸ்ட் மார்டனிசம்

டிசைன்

காவிரியில எப்போ தண்ணி வரும்

மேலாண்மை வாரியம் அமைச்ச பிற்பாடு

அதை எப்போ அமைப்பீங்க

காவிரியில தண்ணி வர்றப்போ

*****

போஸ்ட் மார்டனிசம்

வீட்டுல செத்திருந்தார்னா

எப்படிச் செத்தார்னு

தெரிஞ்சிருக்கும்

அப்பாலே

ஆஸ்பத்திரியில சேர்த்ததுல

அதுவும் தெரியல

*****

இருப்பு

முன்பொரு காலத்தில்

கடல் இருந்த இடத்தில்

மலை இருக்கிறது

மலை இருந்த இடத்தில்

கடல் இருக்கிறது

வயல் இருந்த இடத்தில்

வீட்டுமனை இருக்கிறது

வீட்டு மனை இருந்த இடத்தில்

வயல் இருக்கும்

பின்பொரு காலத்தில்

*****