முத்தத் துயர்

முத்தத் துயர்

முத்தமிட்ட உன் எச்சில்

கடலாகிறது

அலைகளை அனுப்பி

ஆக்ரோஷமாக உறுமுகிறது

கரைகள் மேல்

வந்து வந்து மோதுவது போல்

கனவுகளில் மோதி

தூக்கத்தை உடைக்கிறது

முத்தமிடப்படாத முன் இரவுகளின்

பூரண அமைதி கேலி பேசுகிறது

இன்னொரு முத்தம்

வற்றிப் போய் கிடக்கிறது

தொலைதூர மேகங்கள்

அருகில் வர அடம் பிடிக்கின்றன

ஒரு முத்தத்திற்கான ஏக்கம்

பாலைவனம் போல்

விரிந்து கொண்டு போகிறது

கானல் தோற்றங்களைத் தந்தபடி.

*****