பணயம் வைக்கும் வாழ்க்கை

பணயம் வைக்கும் வாழ்க்கை

நிறைவேறாத ஆசைகளை

பெரிய ஆசைகளாக வைத்துள்ளாய்

பிதுங்கி வழியும் உன் சட்டைப் பைக்குள்

அவைகள் உன்னைச் சோர்ந்து விழச் செய்யும் போது

தடுமாறி விழுகிறாய்

நீ விழுந்ததை உன் மனக்கண்ணில் பார்த்து

நீயே கைதட்டிச் சிரித்து ரசித்துக் கொள்கிறாய்

அதை நிகழ்த்தி விட்டால்

பெரிய சாதனையாளன் என ஊர் மெச்சும் என்று

வீரவசனம் பேசிக் கொள்கிறாய்

உன் தன்னம்பிக்கை வற்றியதாகத் தெரியவில்லை

அதில் பணயம் வைக்க

அனுபவித்து ரசிக்க வேண்டிய

உன் வாழ்க்கைதானா கிடைத்தது உனக்கு?

*****