காலப் புதிர் வெளிகளின் தண்டனைகள்

காலப் புதிர் வெளிகளின் தண்டனைகள்

உங்கள் தண்டனைகளில்

மன்னிப்பைக் கொருவதோ

உங்கள் வெகுமதிகளில்

அன்பினைக் கொருவதோ

இரண்டும் ஒன்று

உங்களுக்கு அது சடங்கு

எங்களுக்கு அது விலங்கு

அவ்வாறு நாங்கள் கோராது போனால்

வன்மமாய் வார்த்தைகளால் மிதிப்பீர்கள்

சாதிப்பெயர்ச் சொல்லிச் சிரிப்பீர்கள்

தண்டனைகளைப் பெருந்தன்மையாய்

நாங்களாகவே ஏற்றுக் கொள்வதற்கு

எப்படியெல்லாம் நிர்பந்திக்கிறீர்கள்?

அடிமைத்தனமே ஒரு தண்டனை எனும் போது

அடிமைக்கு என்ன அதற்கு மேல் தண்டனை?

எதற்கும் எச்சரிக்கையாய் இருங்கள்

அடிமைப்படுத்தியதற்கான தண்டனை ஒன்று

காலப் புதிர் வெளியில்

அறச்சீற்றம் எனும் ஊர்தி ஏறி

வந்து கொண்டிருக்கிறது கனவான்களே!

*****