சுவரில் அறையும் உண்மைகள்

சுவரில் அறையும் உண்மைகள்

கட்டிடத்தின் முதல் அறையில்

நிர்வாணச் சிற்பங்கள் இருந்தன

இரண்டாவது அறையில்

கனத்த பூட்டுத் தொங்கியது

மூன்றாவது அறையில்

மலர்களும் அத்தர்களுமாக

வாசனை இடுக்குகளின் வழியே

கசிந்து கொண்டிருந்தது

நான்காவது அறையிலிருந்து

குறட்டைச் சத்தம்

ஐந்தாவது அறைக்குப் பாய்ந்து கொண்டிருந்தது

ஆறாவது அறை குளியலறை

ஏழாவது அறை கழிவறை

கடைசி அறையைக் காணவில்லை

ஏராளமான அடிமைகள் அதில்

அடைத்து வைக்கப்பட்டு இருந்தனர்

*****