தோட்டாக்களின் கணக்குகள்

தோட்டாக்களின் கணக்குகள்

நதியும் கடலும் சேரும் இடத்தில் வாழும்

மீன்கள் பாக்கியவான்கள்

மசூதியும் கோயிலும் பக்கத்தே இருக்க

இரண்டிலும் படபடக்கும்

புறாக்கள் புண்ணியவான்கள்

இரு கால்களுக்கு இடையே செல்லும்

அந்நிய தேசத்தின் எல்லைகள்

பாவாத்மாக்களின் பட்டியலில்

நம்மை சேர்த்துக் கொண்டிருக்கின்றன

துப்பாக்கியைத் தூக்கிக் கொண்டு ஓட

நாம் பயிற்றுவிக்கப்பட்டு இருக்கிறோம்

யாரைச் சுட வேண்டும் என்ற

ரகசியக் கட்டளைகள் அந்த நேரத்தில் வழங்கப்படும்

உங்களை நீங்களே சுட்டுக் கொள்வதற்கான

கட்டளைகளும் காகிதத்தில் தரப்படலாம்

எதிரிகள் உங்களைச் சுட்டதாகக் கணக்குக் காட்டப்படலாம்

*****